Ծառայություններ
”Աղվերան հոթելը” իր զարգացած ենթակառուցվածքով հյուրերին է առաջարկում ծառայությունների լայն շրջանակ:
Գլխավոր մասնաշենքի առաջին հարկում սեղանի թենիսի և բիլյարդի սրահներն են, բարը, PASCUCCI սրճարանը, Room service, ինտերնետ սրահ, VIP հանգստի սրահը, մանկական խաղասենյակը: Բիլյարդի և snooker-բիլյարդի սրահները միավորվում են հարմարավետ բարով: Երկրորդ հարկում 100 մարդու համար նախատեսված ռեստորանն է , որը հիանալի վայր է նաև միջոցառումների ացնկացման համար: Գլխավոր մասնաշենքի վերին հարկում ` պանորամային պատուհաններով և ապակե ծածկով, գտնվում է ևս մեկ լողավազան, բար, մարզասարքերով ապահովված տարածք: Այս վայրը կատարյալ է հանգստի և առողջության վերականգնման համար: Նույն նպատակին կարող է ծառայել նաև շոգեբաղնիքը, որը գտնվում է հյուրանոցային համարների հարկաբաժնում:Բոուլինգի սիրահարների առաջ իր դռները կբացի բոուլինգ - կենտրոնը` դեպի ուր տանում են գեղեցիկ ճեմուղիները: Բոուլինգ-կենտրոնի վերևում բացօթյա սրճարանն է, որը նայում է շատրվանով ջրավազանին: Գողտրիկ կամրջակը կօգնի Ձեզ հայտնվել բաց լողավազանի մոտ, որն ունի նաև մանուկների համար նախատեսված հատված: Ամառային բացօթյա խնջույքների կազմակերպման համար գետի ափին տաղավար-զրուցարաններով գեղատեսիլ հանգստի գոտի է՝ կից բոլոր հարմարավետություններով (անհատական մանղալ, լվացարան և այլն):
